Këshilli i Bashkësisë Islame në Prishtinë ka inicuar projektin për ngritjen e një qendre edukativo-arsimore dhe kulturore në Prishtinë për të rinjët e vendit, mirëpo për ta realizuar këtë projekt është e domosdoshme ndihma financiare, andaj ftojmë të gjithë të interesuarit ; individ, përfaqësues të biznesit dhe organizatave jo qeveritare në vend dhe në diasporë që me donacionet e tyre të ndihmojnë në konkretizimin e këtij projekti.

Objekti parashihet të jetë multifunksional, do të ketë bibliotekën, sallën për lexim, sallën e kompjuterëve dhe internetit si dhe pjesa për organizimin e ligjeratave të ndryshme fetare dhe tribunave shkencore.

Donacionet e juaja mund të bëhen përmes xhirollogarisë bankare:

Banka Ekonomike

Nr.i xhirollogarisë: 140100000013621

Emri i përfituesit: Këshilli i Bashkësisë Islame në Prishtinë.

Poashtu mund të na kontaktoni çdo ditë pune në zyrat e Këshillit të Bashkësisë Islame, adresa: rruga Nazim Gafurri p.n, Prishtinë, apo përmes telefonit në numrat:

Tel&Fax: 038/220-380, 038/238-241 dhe 044/170-128.

Personi kontaktues: Bahri ef.Sejdiu, Kryetar i KBI-së 

Prishtinë, 26 gusht 2010

Kryeministri Thaçi shtroi iftar për Myftiun Tërnava dhe bashkëpunëtorët e tij
 

Kryeministri Thaçi: Fryma e tolerancës fetare gjithmonë ka qenë prezente në Republikën e Kosovës dhe është model për gjithë rajonin

Myftiu Tërnava: Kështu, siç jemi bashkë në këtë muaj të madh, në këtë muaj të mëshirës e rahmetit, në këtë muaj të sakrificës e solidaritetit, kështu duhet që të jemi bashkë e unik gjithherë ....”

Kryeministri i Qeverisë së Republikës së Kosovës, Hashim Thaçi shtron iftar për krerët e Bashkësisë Islame të Kosovës. Në iftarin e shtruar nga kryeministri Thaçi në ambientet e hotelit “Viktoria” në Prishtinë kanë marrë pjesë, përfaqësues të ICO-së, ambasadorë të akredituar në Prishtinë, liderë të partive politike, ministra , deputet dhe mysafirë të tjerë...Lexo më tepër

Njoftohen të gjithë qytetarët e Prishtinës, se nga data 26.08.2010, Këshilli i Bashkësisë Islame në Prishtinë, do të shtroj iftare për nderë të muajit të bekuar të Ramazanit.

Ky organizim do të mbahet në oborrin e Xhamisë së Çarshisë dhe është i hapur për të gjithë.

Njëherit ftojmë dashamirës, individ, përfaqësues të bizneseve dhe organaizatave joqeveritare, të bëjnë sponzorizimin e këtij organizimi, ku çmimi për shujtë do të jetë vetëm 2 euro.

Për të ndihmuar në realizimin e kësaj iniciative, mund të na kontaktoni në zyrat e Këshillit të Bashkësisë Islame në Prishtinë.

Rruga: Nazim Gafurri p.n (tek Xhamia e Madhe),

apo në numrat e telefonit: 038/220-380, 038/238-241

Prishtinë, 16 gusht 2010

Myftiu Tëranva priti ministrin e kulturës Lutfi Hazirin

Myftiu i Kosovës, Mr. Naim Tëranva priti sot ministrin e Kulturës, Rinisë e Sportit, Lutfi Hazirin me të cilin bisedoj për trajtimin e trashëgimisë materiale që i përket proviencës islame. Myftiu Tërnava dhe ministri Haziri u dakorduan që të bashkëpunojnë ngushtë për ruajtjen dhe trajtimin profesional të objekteve kulturore që i përkasin trashëgimisë islame.
Pas takimit Myftiu Tëranava për gazetarët, deklaroj: “Në emër të Kryesisë së Bashkësisë Islame të Republikës së Kosovës, falënderoj ministrin Haziri për këtë vizitë që sot i bëri Bashkësisë Islame këtu në Prishtinë, ku ishte një rast i mirë që të bisedojmë për së afërmi për disa çështje, nuk po i them problematika, të cilat kanë të bëjnë kryesisht me ruajtjen e trashëgimisë fetare, kulturore e historike tona të përbashkëta të të gjithëve, që është shumë e madhe në Kosovë, që kemi objekte kapitale me vlera të jashtëzakonshme...Lexo më tepër

Prishtinë, 13 gusht 2010

Kryeministri Thaçi gjatë vizitës në Bashkësinë Islame të Kosovës

Myftiu edhe Bashkësia Islame do të japin kontributin e tyre të rëndësishëm edhe për përgatitjen e shtetit të Kosovës

Myftiu i Kosovës, Naim Tërnava priti sot kryeministrin e Kosovës, Hashim Thaçin, i cili e ka uruar e përgëzuar Myftiun Tërnava dhe besimtarët me rastin e fillimit të muajit të madhëruar të Ramazanit. Myftiu Tërnava me kryeministrin Thaçin biseduan edhe për sukseset e Kosovës, sidomos për suksesin e Kosovës në GJND, për njohjet e reja që i pret Kosova si dhe për çështje të tjera.
Pas takimit, Myftiu Tërnava për gazetarë deklaroj: “Sot, kryeministri i vendit vizitoj selinë e Bashkësisë Islame të Republikës së Kosovës, për çka unë si Myfti i Republikës e falënderoj për përkushtimin e tij të vazhdueshëm që ka në raport me bashkësitë fetare në Kosovë”...Lexo më tepër

Prishtinë, 10 gusht 2010

Urimi i Myftiut të Kosovës, Mr. Naim Tërnava me rastin e fillimit të muajit të Ramazanit

Urimi i Myftiut të Kosovës, Mr. Naim Tërnava për besimtarët dhe qytetarët e Kosovës me rastin e fillimit të muajit të Ramazanit

Të nderuar besimtarë!

Vëllezër e motra!

Nesër më 11. 08. 2010 është dita e parë e muajit të bekuar të Ramazanit, ndaj kam kënaqësinë dhe privilegjin që në emër të KBIRK dhe në emrin tim t’ju drejtohem me urimet dhe përgëzimet më të mira duke ju dëshiruar, shëndet, mirëqenie dhe agjërim të lehtë të muajit të Ramazanit...Lexo më tepër

Prishtinë, 05 gusht 2010

Myftiu Tërnava priti drejtorin e Universitetin “Insaniah”

Marrëveshje bashkë studimi për studimet master

Myftiu i Kosovës, Mr. Naim Tërnava, priti në selinë e Kryesisë së BI në Prishtinë drejtorin ekzekutiv të universitetit “INSANIAH”, Hamza bin Ismail nga Alor Setar Malajzia të cilin e njohu me zhvillim dhe historikun e BIK. Myftiu Tërnava me mysafirin nga Malajzia bisedoj edhe për bashkëpunim në fushën e arsimit, sidomos në nivelin e programeve master.
Më këtë rast, Myftiu Tërnava më drejtorin ekzekutiv të Universitetit “Insaniah”, Hamza bin Ismail nënshkruan marrëveshje bashkëpunimi për studime të nivelit master për studentët kosovarë në Universitetin “INSANIAH” në drejtimet Ekonomi dhe Financa islame.
Realizimi i marrëveshjes pritet të nis nga tetori i këtij viti.

Rëndësia e Bajramit dhe manifestimi i drejtë i tij

Me të vërtet trupi lëngon që të ketë raste për të manifestuar dhe shprehur gëzimin dhe harenë, të paktën herë pas here, në mënyrë që për sado pak qaste të harrohen brengat dhe prokupimet jetësore. Dhe për këtë, festat janë të pranishme tek të gjithë popujt pa marrë parasysh përkatësinë fetare apo kombëtare, meqë kjo ndërlidhet me vetë intuitën e njeriut.

Festat tek jomuslimanët zakonisht janë ngjarje apo evenimente të cilat kanë të bëjnë me çështjet e kësaj bote, pra dynjas. Siç janë festat shtetërore, ngjarjet historike, karnevalet e ndryshme apo bestytnitë. Kurse në disa raste i kemi edhe me motive fetare, siç është rasti tek çifutët apo krishterët, festa të cilat kryesisht ndërlidhen me ngjarje historike, siç janë krishtlindja, viti i ri sipas kalendarit gregorian, pashkët, e të tjera...Lexo më tepër

Agjёrimi dhe rёndёsia e tij

“O ju qё besuat,agjёrimi u ёshtё bёrё obligim sikurse ishte obligim edhe i atyre para jush, kёshtu qё tё bёheni tё devotshёm.” (El-Bekare,183)

Agjёrimi ёshtё njё nga ibadetet mё tё vlefshme dhe argumenti mё I fuqishёm dhe I bindjes ndaj All-llahut xh.sh.Pejgamberi s.a.s ka thёnё “Kush e agjёron ramazanin me bindje dhe besim tё fortё,se pёr kёtё ka shpёrblim nga All-llahu,atij do t’I falen mёkatet e kryera mё herёt”.Nga kjo rezulton se sё pari duhet tё kemi besim tё sinqertё tek All-llahu e pastaj tё shpresojmё te shpёrblimi I zotit xh.sh.Agjёrimi ёahtё I katёrti nga pesё shtyllat e fesё islame.Agjёrimi ёshtё I obligueshёm pёr muslimanёt gjatё muajit tё shejntё tё Ramazanit nga sabahu e deri nё aksham.Nga agjёrimi qoftё nё Ramazan apo jo,njё musliman afrohet mё shumё me All-llahun duke braktisur kёnaqёsitё e trupit si ushqim dhe pije.Kjo e bёn sinqeritetin ndaj besimit dhe Perёndisё mё tё madh...Lexo më tepër

Mashtruesit e vetvetës dhe shkelësit e vlerave të popullit
 
 Të qenurit shtet laik apo sekular, jo shtet fetar, nuk do të thotë që të ndalosh simbolet fetare ose të shkelësh të drejtat e tyre të praktikimit fetar, sepse laicizëm do të thotë që mos të gjykosh me dispozita fetare por të respektosh besimin, simbolet, faltoret, zbatimin e urdhërave fetar si dhe të drejtat e tyre individuale e shoqërore. Kur njerëzit e legjislativit shkelin mbi ligjet vet të aprovuara sdo mend se kjo është vetëm një hipokrizi dhe mashtrim ndaj popullit dhe ligjeve që shumë nga këta “mashtrues modern” nuk i dijnë as vet.
 
Kushtetuta e Kosovës dhe ligjet në fuqi janë çështjet esenciale që duhet të respektohen, kurse në Kosovën tonë të pavarur, për të cilën u sakrifikuan shumë breza ndodhë e kundërta, kundërshtohet ligji dhe vendimi gjyqësor për tu larguar një vajzë apo disa nga vijimi i mësimit, për shkak të tekeve të një drejtori hipokrit komunist, etj. E gjithë kjo të jepë të kuptosh që jo shumë gjatë nuk do të përfundojnë këto raste në qetësi apo të injoruara nga njerëzit tonë...Lexo më tepër

Uji, bazë e krijimit të jetës në tokë

Të gjitha gjallesat,prej atyre më të voglave,siq janë mikrobet e deri te kafshët më të mëdha,prej lules se brishtë e deri tek drunjët qindvjeqarë kanë nëvojë për ujë.Uji është ndër faktorët themelorë për ekzistencën e qenieve të gjalla,sepse asnjë proces njerëzor nuk mund të kryhet pa prezencën e ujit.Zoti xh.sh. në Kur’an thotë:
”…Dhe ujin e bëmë bazë të jetës së cdo sendi,a nuk besojnë?”(Enbija-30).
Fakti që të gjitha llojet e jetës janë krijuar prej ujit është pranuar sot plotësisht prej grupit shkencëtarëve.Ata kanë dëshmi për të përkrahur faktin se format e para të jetës ishin algat dhe se ato jetonin në ujë.Fakti që qeniet njerëzore dhe kafshët janë të krijuar prej ujit,gjithashtu pranohet plotesisht perderisa citoplazma,komponenti bazë i jetës së cdo qelize shtazore është përbërë mbi 80% prej ujit...Lexo më tepër

Shpirti-ekzistencë  mistike

 Krijatura e njeriut përbëhet prej dy elementeve, asaj trupore –fizike dhe elementit tjetër mistik shpirtit. Allahu  xh sh  na e sqaron këtë gjë duke na ofruar shembuj praktik të cilët edhe vetë ne i vërejmë në jetën e përditshme.

 Si Islami ashtu edhe shkenca  na mësojnë se ana fizike e njeriut është e ndërtuar në mënyrën më precize dhe të pashoqe , dhe sikur të imagjinohej çfarëdo forme tjetër , nuk do të  mund të krahasohej  as për së afërmi me figurën e mrekullueshme të saj. Si të mos jetë kështu kur dihet mirëfilli se atë e krijoi dhe e përsosi Krijuesi i Pashoq Allahu xh.sh.

Vërtet që Ne e krijuam njeriun në formën më të përsosur

 Duke e analizuar formën e jashtme të njeriut, ne kënaqemi duke shikuar një konstrukt të shkëlqyer dhe të jashtëzakonshëm, kjo krahas  anës së brendshme të tij e cila vërtet na mahnit me mekanizmin dhe precizitetin e organikës në përgjithësi. Po e përmendim vetëm një prej  mijëra elementeve në trupin e njeriut të cilat funksionojnë në mënyrë  të saktë marramendëse... Lexo më tepër

Emri i Zotit “Esh-shekuur”

Mirënjohës- Falënderues

Ky është njëri prej emrave te Allahut .xh.sh. ,emër i cili në brendinë tënde mbjell shpresë dhe kurajë të flakët  duke të përgatitur për sakrificë dhe dhënie. Gjithashtu të inkurajon  seriozisht në adhurim dhe punë të mirë. Ky emër është shumë i përshtatshëm që  të  fillojmë muajin e bekuar të Ramazanit,sepse ky muaj i bekuar konsiderohet  shtytës i përuljes dhe adhurimit ndaj Allahut si dhe shtytës i veprave humane. Ndaj ky është emri i Allahut ,,Mirënjohës ,, i cili në Kur’anin Fisnik   është përmendur disa herë,si për shembull kemi këtë verset .’’Që Ai(Allahu)  do t’ju plotësojë shpërblimin e tyre,e edhe do t’ju shtojë nga mirësia e Tij,vërtet Ai është Mëkatfalës dhe shumë Mirënjohës’’ El-Fatir 30... Lexo më tepër

Si duhet trajtuar ''edukata fetare'' në shkollat publike

Ka disa ditë që  në të përditshmen, “Infopress” të Prishtinës, është hapur  debat, nga një herë edhe me tone të ashpra, lidhur me kërkesën e Bashkësisë Islame, për inkorporimin e “edukatës fetare” në shkollat publike të Republikës së Kosovës. Në bazë të paraqitjeve të deri tanishme shihet se rreth kësaj nisme të BIK-ut, e cila është tejet me rëndësi, sepse ka të bëjë me edukimin bijve dhe bijave tona,  janë shfaqur mendime  diametralisht  të kundërta. Në një anë, janë barrikaduar  përkrahësit e propozimit të BIK-ut për  inkorporimin e edukatës fetare në shkollat publike. Kurse në anën tjetër kemi mendimin e kundërt, që i thuhet një "Jo" e madhe inkorporimit të kësaj lënde në sistemin shkollor të Republikës së Kosovës.  Si grupi i  parë,  ashtu edhe i dyti, natyrisht se   kanë  argumentet e veta.
Ajo që vlen të theksohet me këtë rast,  është se dy grupet, çështjen në fjalë  e vështrojnë më tepër në rrafshin emocional se sa në atë real. Përkrahësit e idesë së inkorporimit të “edukatës fetare”  mendojnë,  që shkollat publike të kthehen në “medrese”, kurse kundërshtarët  e kësaj  ideje kanë frikë  se nxënësit do të bëhen "hoxhallarë"... Lexo më tepër